Récepteur Bluetooth AUX Borofone BC55 — طوموبيلك تولّي Bluetooth فـ 3 ثواني
الموزيك فالطوموبيل... قصّة تعب
طوموبيلات بزّاف فالجزائر فيها منفذ AUX برك، بلا Bluetooth. و الحلول لي كاينة كامل فيها مشكل.
الفيل تاع AUX
يتشبّك، يتقطّع فأقل من عام، و تيليفونك يبقى مربوط فالبوسط. كي تحرّكو، الصوت يقطع.
Transmetteur FM
يعاود يبثّ الصوت على موجة FM — تشويش، صفير، و كل مرّة لازم تقلّب على فريكانس فارغة.
تبدّل البوسط كامل
من 9600 حتى 18500 دج، و لازم تفكّ البوسط الأصلي تاع الطوموبيل.
BOROFONE BC55 — 2900 دج و خلاص
جهاز صغير تدخّلو فمنفذ AUX. مرّة وحدة تربطو بتيليفونك — و من بعد يتصل وحدو كل مرّة.
Bluetooth 5.3
ربط سريع و ثابت. يتصل وحدو بتيليفونك كل ما تشعلو — ما تعاودش تربط.
8 ساعات خدمة
باطري ليثيوم 150mAh — 8 ساعات موزيك و مكالمات، و 200 ساعة ستاند-باي.
ميكرو داخلي
يجيك تيليفون و انت تسوڨ؟ اضغط الزر و رد — بلا ما تشدّ التيليفون فيدك.
إضاءة محيطية
حلقة ضوء برتقالية حوالي الزر — تبان مليحة فالليل و تعرف واش راه يدير.
16 غرام برك
39.5 × 46 × 13 مم — أصغر من قدّاحة. دخّلو و انساه، ما يبانش أصلاً.
شارج USB-C
ساعتين برك و يعمّر كامل. نفس الشارجور تاع تيليفونك.
3 حركات و راك جاهز
دخّلو فـ AUX
لقّى منفذ AUX (فتحة مدوّرة 3.5mm) فوجه البوسط ولا فالكونسول — و دخّل الفيش.
اربطو بالتيليفون
اضغط الزر حتى يشعل الضو، حل Bluetooth فتيليفونك و اختار الجهاز. مرّة وحدة برك.
سمع و سوڨ
حط تيليفونك فبوشك و شغّل الموزيك. كي يجيك تيليفون، اضغط الزر و رد.
💡 نصيحة
حط البوسط على AUX (ماشي على راديو ولا USB) و طوّل الفولوم تاعو شوية. من بعد تحكّم فالصوت من التيليفون.
علاش BC55 و ماشي حاجة أخرى
| المقارنة | فيل AUX | Transmetteur FM | بوسط بالشاشة | BC55 |
|---|---|---|---|---|
| السعر فالجزائر | 100 – 300 دج | 2200 – 2600 دج | 9600 – 18500 دج | 2900 دج |
| بلا فيل؟ | لا | إيه | إيه | إيه |
| جودة الصوت | نقي | تشويش FM | نقي | نقي — AUX مباشر |
| التركيب | بسيط | يحتلّ الآلوم | تفكّ البوسط الأصلي | دخّلو و خلاص |
| ترد على التيليفون | لا | إيه | إيه | إيه — ميكرو داخلي |
| ترجعو معاك | إيه | إيه | لا | إيه — لأي طوموبيل |
* الأسعار مأخوذة من مواقع جزائرية معروفة (جويلية 2026) — للمقارنة برك.
أي حاجة فيها AUX تولّي Bluetooth
🚗 البوسط تاع الطوموبيل
أي طوموبيل فيها منفذ AUX — بلا ما تفكّ والو.
🎶 الشين القديمة
الشين تاع الدار ترجع تخدم بالبلوتوث.
🔊 الأمبلي و الباف
حتى الأنسانت القديم يولّي بلا فيل.
🎧 السماعات السلكية
تيليفونك الجديد ما فيهش بلاصة السماعات؟ هذا الحل.
📺 التيليفزيون
إذا فيه منفذ سماعات — تسمع بلا ما تدير الصوت عالي.
💻 اللابتوب و التابليت
ربطة وحدة و توصّل الصوت لأي باف.
الخصائص
| الماركة / الموديل | BOROFONE · BC55 Suave |
| البلوتوث | V5.3 (حسب المصنّع) |
| المنفذ | فيش Jack 3.5mm (ذكر) |
| الباطري | ليثيوم 150mAh |
| مدة الخدمة | حتى 8 ساعات · ستاند-باي 200 ساعة |
| مدة الشارج | ساعتين · USB-C |
| الأبعاد | 39.5 × 46 × 13 مم |
| الوزن | 16 غرام |
| الميكرو | داخلي — للمكالمات |
| فالعلبة | الجهاز + فيل شارج USB-C + دليل |
مهم تعرفو قبل ما تطلب
3 حوايج نحبّو تكون واضحة
- يخدم بالباطري، ماشي بالشارج تاع الطوموبيل. يعني كل ما تشعل الطوموبيل لازم تضغط الزر ثانية وحدة باش يشعل. الميزة: ما كاينش الزهزيق (bruit) لي يجي كي الجهاز يكون مربوط بالشارج.
- الميكرو صغير. للمكالمات القصيرة مليح، بصح ماشي كيف kit mains-libres كبير — لي يهدر معاك يسمعك شوية بعيد.
- ماشي للألعاب. البلوتوث فيه تأخير صغير — الموزيك و الفيديو ما فيهم مشكل، بصح الألعاب لا.
نقولوهم قبل ما تشري باش ما تكونش خايب بعد. إذا هاد الحوايج ما تناسبكش — ما تطلبش، و مرحبا بيك.
جرّبو قدّام الليفرور — ما خدمش، ما تخلّصش
كي يجيك الليفرور، حل العلبة و جرّبو قدّامو: دخّلو فأي حاجة فيها منفذ AUX، اربطو بتيليفونك و سمع. إذا ما خدمش، ما تخلّصش والو و ترجّعو فالحين. نحنا واثقين فالسلعة و راك تشري بلا مخاطرة.
الأسئلة لي يطرحوها بزاف
واش نخلّص قبل ولا بعد؟
كيفاش نعرف إذا طوموبيلي فيها منفذ AUX؟
واش يخدم مع أي تيليفون؟
واش نقدر نشحنو و انا نسمع؟
واش الصوت نقي بصح؟
شحال يبعد؟
شحال يوصل التوصيل؟
شحال سعر التوصيل؟
و إذا ما خدمش؟
2900 دج · و طوموبيلك تولّي مودرن
الدفع عند الاستلام · توصيل لـ 58 ولاية · جرّبو قدّام الليفرور